الحــب والكـــرامه

الموضوع الى شغلنى كتير والى اختلفت فيه بردو اراء كتير , وهو الكرامه والحب
هل توجد كرامه فى الحب ؟
امته الكرامه تقدر تغير الحب او تنهى الحب ده ؟
ممكن اننا نضحى بالحب عشان الكرامه ؟
ولا ممكن اننا نضحى بكرامتنا عشان حب صادق ؟
صدقونى انا لو كان عندى الرد ده مكنتش كتبت الموضوع ولا فتحته , بس لو كل واحد فينا سال نفسه هيعرف يرد على الاسئله دى ولا لا ؟ انا اول واحد سالته لنفسى بس ملقتش الحل ولا الرد اراء كتيره سمعتها وقالو ان الكرامه موجوده ولو كان المفروض علينا اختيار واحده فيهم نختار الكرامه , وناس قالت ان لو بنحب بجد صعب اننا نسيبه عشان الكرامه لان الحب الى بجد نادر اننا نلاقيه فى زمن زى ده , زمن بقى الناس بتشك فى بعض , زمن عايشه الناس فيه خايفه من بعض , زمن مبقاش للحب مكان فيه غير نادر .
وانا فكرت كتير فى الموضوع ده وسألته لنفسى تانى بس الى انا وصلت ليه هو ان الكرامه موجده فى الحب ومش بس كده لازم تكون موجوده , لان لو حب مش مبنى على كرامه يبقى حب رخيص وسهل انه يتباع , الحب الى بجد هو الى يتبنى على الصراحه والوضوح والصدق وحاجات كتير تانيه عشان يكمل الحب .
الحياه من غير حب متسواش كتير
والى بيعيش من غير صدقونى بيعيش اتعس لحظات حياته
الحب بيكون جوه الحياة ماليها بيخلينا عندنا امل لبكره
بنلاقى الحد الى نعيش عشانه وياخد مننا كل الحب والاهتمام
الحياة دون حب كالارض دون ماء
مات كل شىء <<<<< لو مات الحب
مات فينا الاحساس
ماتت فينا المشاعر
حب الاخرين
حب كل شىء
ولكن لو تصادف الحب امام الكرامه فايهما نختار ؟
الحب ام الكرامه
هل نختار الحب الصادق
ام نختار كرامتنــــا

LeTo (هيثـــم نبيــــل ) ==> DoN'T TRy

مفيش كرامه مع الحب لانى الحب بيخليك تضحى بكل شئ حتى نفسك
وما اجمل ان تعشق الحب للحب
لانى الحب الصادق الحقيقى مش بيحتاج للكرامه

بس انا من رايي ان عشان الحب يستمر لازم نحافظ علي كرامة بعض يعني محدش يجرح التاني ولو واحد من الاتنين استغني عن كرامتة هيتحول الحب الى استعباد ده رايي الشخصي

انت كلامك صح بس اعتقد ان لو كل واحد فيهم بيحب التاني هيحاول بقدر الامكان انه يحافظ علي كرامت التاني رغم ان في بعض الحالات مبيكنش قاصد انه يجرح مشعره

وشكرا علي الموضع لانه اعتقد بيشغلنا كلنا